پاۆلودار وبلىسى اكىمىنىڭ ءبىرىنشى ورىنباسارى بولىپ سۇڭعات ەسىمحانوۆ تاعايىندالدى. بۇعان دەيىن ول ەنەرگەتيكا ۆيسە-مينيسترى قىزمەتىن اتقارعان، دەپ حابارلايدى Qamshy.kz اقپارات اگەنتتىگى zakon.kz -كە سىلتەمە جاساپ.
سۇڭعات ەسىمحانوۆ بۇل قىزمەتكە دەيىن 2007-2008 جىلدارى «يگىلىك توبى-XXI» ءجشس-نىڭ قارجى ديرەكتورى، سول جىلدان باستاپ 2010 جىلعا دەيىن پاۆلودار وبلىسىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىندا باسشىلىق قىزمەتىن اتقاردى.
ەسىمحانوۆ وسىدان كەيىن، ءۇش جىل بويى «قازاقەنەرگوەكسپەرتيزا» اق باسقاردى. 2013-2014 جىلدارى ەلەكتر جانە كومىر ونەركاسىپ دەپارتامەنتىنىڭ ديرەكتورى، 2018 جىلعا دەيىن ەنەرگەتيكا مينيسترلىگىنىڭ اتومدىق-ەنەرگەتيكالىق قاداعالاۋ جانە باقىلاۋ كوميتەتىنىڭ ءتوراعاسى بولدى.
2018 جىلدان باستاپ ەسىمحانوۆ ەنەرگەتيكا ۆيسە-مينيسترى قىزمەتىن اتقاردى.
پىكىر قالدىرۋ